الكبسة كانت زمان بالنسبة لى من الوصفات المرعبة. كمان مش من الأكلات اللى اتعودت عليها و انا صغيرة. دى اكلة اكتشفتها مع جوزى. و من ساعتها و انا بحاول اعملها. دى اسهل و اسرع نسخة توصلت ليها. لدرجة ان الكبسة دى بقت من اساسيات المنيو الشهرى فى بيتي.

1 كوب ارز بسمتى

300ج صدور دجاج مقطعة مكعبات

معلقة كبيرة زبدة

معلقة كبيرة بهارات الكبسة

معلقة صغيرة كركم
1/2 معلقة صغيرة كارى
1/2 معلقة صغيرة بابريكا
1 كوب مياه
ملح و فلفل

سخني الحلة كويس اوي و بعدين حطي الزبدة و بعدها قطع الفراخ تتشوح.

تبلى الفراخ و هى على النار بالبابريكا و الكارى.

قلبي الفراخ لحد ما تاخد لون دهبي.

زودى كوباية الرز و معلقة التوابل و الكركم و الملح و الفلفل.

قلبيهم كويس قبل ما تزودي المياه.

دلوقتي تحطي المياه و تطبخي الرز عادي.

اول ما الرز يبدأ يتشرب المياه تغطى عليها و توطى النار.
15 دقيقة و تبقى جاهزة.
اعملى بقى صلصة الكبسة جنبها.