Categories
في البيت

٤ طرق لتنضيف و تعقيم القطاعات

القطاعات دى من اساسيات المطبخ. لازم يبقى عندك على الاقل قطاعتين، واحدة للحوم و واحدة للخضروات و الفاكهة، و تفرقى ما بينهم. الموضوع ده مهم للصحة عشان تمنعى انتقال البكتيريا من اللحوم للخضار، خاصة لو مش هيتعرض للنار.
اهم حاجة، الغسيل مباشرة بعد الأستخدام، عشان متديش فرصة لنمو البكتيريا.

 

اول طريقة

دى للقطاعات البلاستيك او الازاز بس. للأسف مش هتنفع للقطاعات الخشب. انك تحطيها فى غسالة الاطباق على الدورة إللى فيها اعلى حرارة. دى اسهل و أسرع طريقة و ممكن تعمليها كل أسبوع.

 

الطريقة التانية

طريقة طبيعية تنفع لكل انواع القطاعات و بالأخص الخشب. هنحتاجى بس نص ليمونة. أغسلى الاول القطاعة كويس و نشفيها شوية و بعدين ادعكيها بنص الليمونة ده و سيبيه عليها ٥ دقايق أقصى حاجة.

 

الطريقة التالتة

هتعقم و تشيل اى بقع على القطاعة كمان. هتحتاجى خل و بيكربونات صودا. إخلطيهم سوا لحد ما يعملوا معجون، هيطلعوا شوية رغاوى فى الاول، متتخضيش. ادعكى القطاعات بالمعجون ده و ركزى على البقع. مش محتاجة تسيبيه على القطاعة، ممكن تشطفيه مباشرة.

 

رابع طريقة

أكيد انتى عارفاها بس حبيت برضه أفكرك بيها، المياه المغلية. فى آخر كل يوم اشطفى القطاعات إللى استخدمتيها بمياه مغلية عشان تحافظى عليها من نمو البكتيريا.

Leave a Reply

Your email address will not be published. Required fields are marked *