Categories
في البيت

١٨ استخدام لفرشة الأسنان

اساسى قبل ما تبدأى تعملى اى حاجة بفرشة الأسنان انك تنقعيها فى مياه عليها معلقة كبيرة خل و معلقة كبيرة معقم زى ديتول. و طبعا تراعى أن الفرش اللى تستخدميهم فى التنضيف تفصليهم عن الفرش اللى هتستخدميها فى النضافة الشخصية.

 

١. تنضفى بيها فتحة التهوية فى السشوار. هتفرق فى ريحته و هيشتغل بكفاءة اكبر.

٢. تنضفى بيها بلاعات و حنفيات الأحواض. هتوصل للعمق فى اماكن عمرك ما هتنضفيها بالطرق العادية

٣. تغسلى بيها نعل الجزم. خاصة الأجزاء البيضة اللى بتبقى فى جزم زى الكونفرس.

٤. تفركى بيها الخواتم و المجوهرات المشغولة و انتى بتنضفيها.

٥. لو الفرشة ناعمة فعلاً ممكن تستخدميها مع سكرب الرؤوس السوداء و تفركى بيها بشرتك كويس.

٦. او تستخدميها مع سكرب الشفايف عشان تتأكدى انك شيلتى الجلد الميت كله.

٧. تنضفى بيها الكيتل من جوه مع نقطة خل عشان تشيلي رواسب المياه.

٨. حطى عليها نقطة ماسكارا او فازلين او سبراى مثبت و مشيها على الشعر المتطاير عشان يثبت فى مكانه.

٩. تنضفى بيها التراب المتجمع فى مجرى الألوميتال.

١٠. تنضفى بيها فرشة الشعر او المشط الرفيع.

١١. نضفى بيها الأضافر، مع نقطة بيبي شامبو و ادعكى بيها ضوافرك من جوه.

١٢. مع شوية الوان مياه، اولادك ممكن يستعملوها زى فرش التلوين.

١٣. تستعمليها لتمشيط الحواجب لو معندكيش فرشة مكياج.

١٤. تنضفى بيها المبشرة، خاصة الجزء بتاع بشر الجبنة الرفيع اوى.

١٥. تشيلى التراب من على الكيبورد، ممكن تبليها برشة كحول.

١٦. تدعكى بيها الهدوم بمزيل البقع بدل ما يأذى ايديكى.

١٧. مع شوية خل و بيكربونات صوديم تنضفى بيها عيون البوتجاز و الدهون من جوه الفرن.

١٨. زجاجات المياه اللى بنشرب فيها ليفة الاطباق العادية مش بتدخل فيها بس بفرشة السنان هتنضفها كويس من جوه.

1 reply on “١٨ استخدام لفرشة الأسنان”

Leave a Reply

Your email address will not be published. Required fields are marked *