Categories
في المطبخ

ميلك شيك الشوكولاتة السريع

زى كل الأمهات جه اليوم اللى ابنى داق فيه علب اللبن بالشوكولاتة الجاهزة اللى كلنا عارفينها و بقت ادمان و مهما عملت كاكاو؛ ساقع او سخن مش بيعجبه. لحد ما جربت الطريقة دى، مع شاليموهات ملونة و هو يختار اللون اللى يحبه، و كبايات كمان ملونة. مش هحكيلك عن احساس النصر لما تبقي انتى الأدمان، ده شئ جميل.

 

كوب لين كامل الدسم
معلقة صغيرة مليانة كاكاو خام
معلقة كبيرة عسل أبيض

 

الأختراع كله فى طريقة العمايل و المكونات الصح. يعنى مبدئياً اللبن كامل الدسم الساقع هيغنيكى عن استخدام الكريمة و الأيس كريم.
الكاكاو لازم و مهم جداً يكون نوع ممتاز، مش أى كاكاو و من غير سكر ده أساسى.
الخلاط هو صديق المشروب ده. متفكريش تقلبى بالمعلقة، معلش هنتعبك معانا.
حطى المكونات كلها فى الخلاط و اضربى شوية حلوين.
هتلاحظى انه تقل و عمل رغاوى.
و هتلاحظى كمان ان الكمية تضاعفت.
اظبطي السكر على ذوقك، قللى عسل أو زودى كاكاو براحتك.
ضاعفى المعيار و خدى ليكى كوباية و استمتعى.

للكبار، ممكن تزودى كريمة محفوقة على الوش وقت التقديم. مع رشة كاكاو او اوريو مطحون. و اعزمى صحابك عليه.

Leave a Reply

Your email address will not be published. Required fields are marked *