Categories
في المطبخ

مهلبية القرع العسلي


ابني كان متأثر شوية بالهالوين و أنا بصراحة انتهزت الفرصة و قلت مصلحة اعمل أكلة حلوه و مفيدة كده و هو متحمس. و طبعاً سهلة و سريعة كالعادة.

كيلو قرع عسلي مكعبات
من نصف كوب لكوب سكر
كوب عصير برتقال
٤ معالق كبيرة نشا


هنجيب كيلو قرع متقطع مكعبات
نحط معاه نصف كوب سكر على النار
عندنا وقت هنسيبهم الأول ساعتين أو أكتر هنلاقي القرع نزل مياه كتير
مفيش وقت هنحط نصف كوباية مياه و نسلقه كويس جداً و هو مش بياخد وقت عموماً
نضربه بالهاند بلندر في الحلة أو في الخلاط
أنا زودت عصير برتقال حوالي كوب بيدي طعم حلو جداً و هو إختياري و ممكن جزر كمان مش هيبان خالص
في الأخر هندوب ٤ معالق كبار نشا في مياه أو عصير البرتقال

و ندوق عشان نظبط السكر
لما يوصل لقوام تقيل و كريمي نغرفه في الأطباق
نزينه بزبيب أو من غير حاجة خالص بس هو الزبيب بيليق معاه
نحطه في التلاجه و ناكله ساقع
مناسب للأطفال بعد السنة أو أصغر بس نشيل السكر

Leave a Reply