Categories
في المطبخ

شوربة لسان عصفور من الصفر

فرخة متوسطة الحجم
بصلة صحيحة
جزرة
عودين كرفس
حبهان
مستكة
ورق لاورا
1/2 كوب لسان عصفور
ملح

فرخة متوسطة نغسلها كويس وننقعها نص ساعة فى الملح والدقيق والخل.
فى طبق صغير نحط شوية ملح مع فصين حبهان وفص مستكة وورقة لورا وندعك جوا الفرخة بالخليط ده ونكتف الرجلين بتاعتها.
نحط لتر ونص مياه على النار ولما تغلي نحط فيها بصلة صحيحة وجزرة وعودين كرفس وفص حبهان ومستكة وورق لاورا وبعدين نحط الفرخة.
نخليها على نار عالية لحد ماتغلى وبعدين نغطى ونهدى النار لمدة نص ساعة.
دلوقتي نحط لها الملح ونسيبها ١٥ دقيقة تانى.
فى طاسة نحط معلقة صغيرة سمن وفص مستكة وحبهان ونحمر فيها نص كوباية لسان عصفور لحد مايبقى لونه دهبى.
ننزله فى الشوربة يغلى حوالى ٧ دقايق ونطفى