Categories
في المطبخ

كيك الشوكولاتة اللايت باللبن الرايب

دايماً بيتبقى عندى شوية لبن رايب فى التلاجة ابقى مش عارفة أعمل بيهم ايه. افضل افتح التلاجة ابص لهم. الظريف فى الموضوع، ان اللبن الرايب بيدى قوام حلو أوى للكيك و بيخلينى استخدم دهون أقل .

نصف كوب دقيق أبيض

كوب شوفان مطحون زى الدقيق أو مجروش لو عايزة تحسى بقوام خشن فى الكيك

ربع كوب كاكاو خام

معلقة صغيرة باكينج بودر

نصف معلقة صغيرة باكينج صودا

رشة ملح

2 بيضة

نصف كوب عسل أبيض و ممكن استبداله بسكر

كوب لبن رايب لايت

٢ معلقة كبيرة زيت

ڤانيليا

رشة قرفة

نضرب البيض مع العسل بالمضرب الكهرباء أو اليدوى كويس أوى.

نضيف اللبن الرايب و الزيت و الفانيليا و نكمل نضرب.

نخلط المواد الجافة مع بعضها فى بولة منفصلة.

نضيفها على المواد السائلة و نقلب براحة خالص لحد مايختلطوا كويس.

نحطها فى صينية صغيرة و تدخل فرن متسخن على 180 درجة.

بعد 30 دقيقة نختبرها بخلة الأسنان، لو طلعت نضيفة يبقى كده استوت، نقدر نخرجها ترتاح.

لعمل صوص الشيكولاتة: نسيح مكعب شيكولاتة دارك مع معلقة كبيرة لبن خالى الدسم فى الميكروييف.

للتزيين: نرش جرانولا بدل المكسرات بتدى طعم حلو و قرمشة.

Leave a Reply