Categories
مع العيال

علبة الإسعافات الأولية للأطفال

من اول يوم الطفل يرجع فيه البيت من مستشفى الولادة، لازم تبقى جاهزة بشنطة إسعافات أولية. كل ما بيكبر كل ما المخاطر بتزيد. بالأخص مع الزحف و المشى و الجرى. هتلاقى الطفل عايز يكتشف العالم اللى حواليه. دورنا كأمهات اننا نحمى و نعالج فى حالة الحوادث و الأمراض، لا قدر الله.

هنعمل ٣ مجموعات إسعافات أولية، اول علبة هتبقى فى البيت و دى هتبقى اكبر واحدة، فيها حلول لكل الاحتمالات اللى فكرنا فيها. تانى واحدة هتبقى فى شنطتك، نسخة مُصغرة اخف و عملية اكتر. تالت واحدة هتبقى للسفر، خليط من المجموعتين اللى فاتوا.

علبة الإسعافات الأولية فى البيت

  • بكرة شاش طبي
  • بكرة بلاستر طبى ابيض
  • كيس قطن معقم
  • بخاخة كحول
  • معقم طبى زى البيتادين
  • مقص
  • ترمومتر
  • ملقاط
  • قصافة
  • عيدان قطن
  • ڤازلين
  • Cooling pads
  • كريم التهاب الحفاض الشديد
  • كريم لقرص الحشرات
  • مرهم مضاد حيوى
  • مطهر معوى
  • خافض للحرارة
  • مسكّن للآلام (باراسيتامول)
  • قطرة غسول للعيون/مرطبة
  • جوانتى طبى
  • قطارة
  • قطع شاش معقمة
  • غسول طبى
  • حقن
  • رباط طبى

علبة الاسعافات الاولية للبيت

النسخة العملية اكتر اللى هتبقى فى شنطتك

  • قطع بلاستر احجام مختلفة
  • قطع قطن بالكحول
  • قطع قطن
  • أعواد تعقيم و تنضيف الجروح
  • أعواد قطن
  • مقص
  • قصافة
  • ترمومتر
  • مناديل مبللة
  • مناديل مبللة معقمة
  • مناديل عادية
  • قطرة مرطبة للعيون

و للسفر هنستخدم نفس اللى فى شنطة الطفل و نزود عليها

  • كريم واقى من الشمس
  • كريم بعد التعرض للشمس
  • Cooling pads
  • كريم التهاب الحفاض الشديد
  • كريم لقرص الحشرات
  • مرهم مضاد حيوى
  • مطهر معوى
  • خافض للحرارة
  • مسكّن للآلام (باراسيتامول مثلاً)

قطع قطن طبي

طبعاً لو فيه اى حساسية لازم يبقى الأدوية الخاصة بيها موجودة فى كل علبة.

احرصى انك تراجعى شهرياً تاريخ انتهاء صلاحية كل الأدوية.

تراعى ان العلب اللى تستخدميها تكون محكمة الغلق عشان تبعدى عن خطر التلوث.

و كمان تبقى بعيدة عن الشمس المباشرة او الحرارة العالية.

اول بأول تستبدلى اى حاجة استعملتيها او تاريخ صلاحيتها انتهى.

Leave a Reply