Categories
رمضانيات

عصير الفراولة الفوار

دي اسهل طريقة العصير في العالم. بتتعمل في نفس البيتشر او الشفشق اللي هتقدمي فيه. و ممكن تنوعي فيها علي مزاجك و تغيري من انواع العصير اللي هتحطيها.

١ ليتر عصير فراولة، الأفضل يكون طازة
١/٤ ليتر عصير برتقال
١/٤ ليتر مياه فوارة
١ معلقة كبيرة عصير ليمون
سكر زي ما تحبي

قلبي كل المكونات مع بعض ما عدا المياه الفوارة.
لو هتضيفي سكر يبقي طبعاً تتأكدي انه داب تماماً.
آخر حاجة تضيفي المياه الفوارة. و تقلبي براحة.
قدميها مع ورقة نعناع صغيرة علي وش الكبايات.