Categories
في المطبخ

عجينة السمبوسك

٢ كوب دقيق
٢ بيضة
٣ معالق زيت
معلقة زبادي كبيرة

الأول رشة ملح على الدقيق و معاهم الزيت.
تبدأي تحطي البيض واحدة واحدة مع رشة فلفل أسود و تدعكي فى العجينة كتير.
هتبقى ناشفة شوية فى الأول.
تزودي معلقة الزبادي و تشوفي قوامها.
بعد العجن تسيبيها ترتاح نصف ساعة لساعة.
العجينة قوامها بيكون متماسك شوية عشان لسه هتتفرد.
تجيبي النشابة و جمبك الدقيق و اقسمي العجينة نصين عشان تبقى اسهل فى الفرد.
افرديها بسمك نصف سنتي.
بقطاعة مدورة أو كوباية تقطعي دواير.
تخدي كل دايرة تبلي حوافها بالمياه و تحطي الحشوة اللى تحبيها؛ جبن أو لحمة مفرومة معصجة مع بقدونس.
تضغطيها على بعضها و تتأكدي انها اتقفلت كويس بطرف الشوكة.
سهلة جداً. ممكن تقليها او تدخليها الفرن.