Categories
في المطبخ

طبقات البسكوت و الكريم كراميل

كلنا عندنا دولاب المطبخ اللى بنحب أول الشهر و مع كل نزولة للسوبرماركت نملاه علب جيلى و كريم كراميل و بسكوت و ممكن منعملش بيهم أى حاجة و ننساهم لحد ما نكتشف أن صلاحيتهم انتهت. أنا عن نفسى الحاجات دى بتنقذنى آخر الشهر لما بقلب فى دولاب المطبخ و بأطلع بيهم وصفة حلو سهلة و سريعة.

 

2 باكو بسكوت دايجستيف أو اى بسكوت شاى

كوب لبن أو على حسب ما البسكوت يحتاج
معلقة صغيرة كاكاو خام
معلقة صغيرة قهوة سريعة الذوبان اختيارى

للكريم كراميل

2 باكو كريم كراميل

باكو كريم شانتى

2 معلقة كبيرة كاكاو

معلقة كبيرة قهوة سريعة التحضير

4 كوب لبن

 

نجهز كوب لبن و عليه الكاكاو و القهوة. ننزل البسكوت فيها بسرعة و نرصه فى الصينية بايركس أو صينية التشيز كيك.
لو عندنا أطفال هياكلوا معانا، يبقى هنستغنى عن القهوة.

ندوب على النار باكو كريم كراميل مع نص باكو كريم شانتى و 2 كوب لبن.

ننزلهم على أول طبقة من البسكوت و ندخلها الثلاجة لحد ما نجهز الطبقة التانية.

ندوب باكو كريم كراميل مع باقى الكريم شانتى و 2 كوب لبن مع الكاكاو و القهوة.

نطلع الصينية من الثلاجة و نرص طبقة تانية من البسكوت و عليها خليط الكريم كراميل.

ندخلها التلاجة لمدة ساعتين قبل التقديم.

للتزيين صوص شوكولاتة او كراميل او قطع شوكولاتة بالبندق.

Leave a Reply

Your email address will not be published. Required fields are marked *