Categories
في المطبخ

صدور فراخ مشوية



اولاً تقطيع الفراخ مهم جداً
أنا طلبت من الراجل يقطعهالي للشوي يعني مش رفيعة للقلي بانية و لا تخينة أوي. هو الأول مرضاش و قالي طيب ما اسيبها زي ماهي و انتي تقطعيها براحتك.. بس بعد ضغط عليه قطعها سمك وسط حلو 😄

التتبيلة
أنا بتبل بحاجات تخليني أحافظ على طعم الفراخ من غير ما يكون طعم بهار معين طاغي زي الكاري و الكمون.
بحط
ملح و فلفل
بهارات مشكلة (السبع بهارات)
مستردة
زعتر
جنزبيل
ليمون
بديل للباربكيو صوص: معلقة صلصة، رشة سكر و خل و بابريكا
شطة بسيط جداً
توم بودرة
زبادي

نسيبها فى التتبيلة شوية او نسويها على طول because life is too short
نجيب طاسة كبيرة ندهنها زيت و نسخنها كويس أوي.
ننزل بالفراخ واحدة واحدة لحد ماتاخد لون حلو من الجانبين.

من غير و لا نقطة مياه نغطيها ١٠ دقائق هى هتنزل ميتها و تستوي فيها.
نفتح، ندوق، نطمن، نطفي و ناكل بالهنا و الشفا 😋

Leave a Reply

Your email address will not be published. Required fields are marked *