Categories
في المطبخ

شوربة العدس الأصفر

١ كوب عدس أصفر
٢ بصلة كبيرة
٢ جزرة
٢ حبة طماطم
٦ فصوص ثوم
٤ ملعقة سمن
٣ ملعقة كبيرة شعرية
ملح و كمون

نغسل كوباية عدس أصفر ونصفيها

نحطها فى حلة وعليها ٣ كوبايات ميه

و نحط معاهم الخضار متقطع قطع كبيرة وهو عبارة عن بصلة كبيرة وجزرتين وطماطمتين و٥ فصوص توم

ونخليه يغلى على نارعالية وبعدين نهدى النار ونسببه يستوى لمدة تلت ساعة

ونزود ميه كل ما يحتاج ومش هانحط عليه اى توابل ولا ملح

لما نطفى عليه، نسيبه يبرد شوية

ناخد الخليط ده ونضربه كويس جدا فى الخلاط، كده اساس الشوربة بقي جاهز

فى حلة نحط معلقتين سمن و نشوح فيهم بصلة متقطعة صغير اوى

لما البصلة تصفر نضيف فص توم مفروم ونقلب

و بعدين نضيف عليهم العدس اللى ضربناه فى الخلاط

و نحط عليه ملح ومعلقتين كمون ونسيبه يغلى

فى طاسة نحمر ٣ معالق كبيرة شعرية فى السمن

ونضيفها على العدس وياخد غلوة كمان

وندوق نتأكد ان الملح مظبوط

قبل ما نطفى على طول نحط معلقة سمن ورشة كمون آخيرة