لو جالك ضيوف فجأة و مش عاملة حسابك و مش لاقية آيس كريم فى الفريزر و لا كريمة و عايزة تقدمى مشروب شكله محترم. شوية فراولة صغيرين مع علبة زبادى هيحلوا المشكلة.
لكل كوب هتحتاجي
8 ثمرات فراولة
نصف كوب زبادى أو حوالى علبة زبادى
نصف كوب لبن
3 معالق كبيرة سكر
رشة فانيليا بودرة أو معلقة صغيرة فانليا سايلة
تلج
اضربى كل المكونات فى الخلاط لحد ما يبقى كريمى.
صبّى فى كوبايات زجاج شكلها حلو و قدمى.