Categories
في المطبخ

بهارات الكبسة

كلنا عندنا نفس المشكلة، و أنا أول واحدة. كل مرة اقرر انى هعمل كبسة، اطلع الرز البسمتى و الفراخ أو اللحمة و اجى عند أهم نقطة.. ملاقيهاش عندى بهارات الكبسة. و لأنها أهم حاجة و هى اللى هتنقل الأكلة دى من مجرد رز و لحمة تقلديين، لكبسة محترمة أقدمها لضيوفى، دورت على البهارات. لقيت أن مكوناتها ممكن تكون متوفرة فى مطبخى طول الوقت بس محتاجة تتخلط مع بعضها بنسب معينة عشان تدينى النتيجة اللى انا عايزاها.

ربع كوب حبهان مطحون

ربع كوب قرنفل مطحون

ربع كوب قرفة مطحونة أو عيدان

ربع كوب لومى (ليمون مجفف) مطحون أو مكسر قطع

معلقة كبيرة كمون

2معلقة كبيرة فلفل أسود

معلقة كبيرة كزبرة مطحونة

ربع كوب كارى

معلقة صغيرة جوزة الطيب مطحونة

معلقة صغيرة شطة

نخلط كل المكونات و نحفظها فى برطمان نضيف.

نستخدم مقدار 2 معلقة صغيرة لتتبيل الفراخ أو الرز.

و هنا هتلاقي طريقة كبسة الفراخ السهلة و صلصلة الكبسة

1 reply on “بهارات الكبسة”

Leave a Reply

Your email address will not be published. Required fields are marked *