Categories
في المطبخ

باف بيسترى: سناك للرجالة

بصى يا ست الكل، العك فى الأكل ده فى دم الرجالة و حاجة زى السوسيس و البرجر من وجهة نظرك بتتخن و مضرة، معاكى حق طبعاً بس لما تلاقى جوزك نفسه يعُك  تنازلى شوية عن مبادئك و دلعيه مرة من نفسه. سهلة اوى، ممكن تعمليها أنتى أو جوزك.

علبة عجينة باف باسترى مجمدة

هوت دوج، سوسيس أو فرنكفورتر، أى أذى و خلاص

ممكن جبن أو لانشون برضه

بيضة لدهن وش العجينة و ممكن لبن مع شوية حبة البركة لزوم التزيين و الحركات

طلعى العجينة من الفريزر تفك.

مش هتحتاج دقيق او تبهدلى المطبخ، افرديها فى صينية الخبز مباشرة. 

ادهنى الصينية بنقطة زيت الأول عشان متلزقش و تتعبك.

 بعدين إحشيها أى حشو متوفر عندك. اللحوم المصنعة دى على شوية جبنة، زيتون، طماطم، معلقتين صوص بيتزا. 

Get creative! 

 دخليها فرن سخن على 180 مش هتاخد وقت.

مجرد تاخد لون من تحت، تشغلى الشواية تحمر من فوق و تطلعيها تهدى شوية قبل الأكل.

 ممكن تتعمل من بالليل و تاخدوها الشغل معاكوا.

Leave a Reply