Categories
في المطبخ

الكيك اليومي بالشوكولاتة و الڤانيليا

كيك سهل و سريع و نتيجته مضمونة، كل مابيخلص بعمله تاني. فطار سريع الصبح مع فنجان قهوه، سناك بعد المغرب مع الشاي أو للولاد فى النادي و المدرسة. حلو ان البيت على طول يكون فيه كيك بيتي بديل عن أى عك من كيك أو بسكوت جاهز مليان مواد حافظة.

نصف كوب زبدة
ربع كوب زيت
كوب و نصف سكر
٢ بيضة
ڤانيليا
٢ كوب دقيق
٢ معلقة صغيرة باكينج بودر
علبة زبادي
نصف كوب لبن أو نفس معيار علبة الزبادي لبن

جزء الشوكولاتة
٢ معلقة كبيرة كاكاو خام
نصف معلقة صغيرة قرفة
معلقة سكر بني أو أبيض لو الكاكاو الخام مُر شوية

نخلط الزبدة و الزيت مع السكر بمضرب البيض الكهربائي كويس جداً.
نضيف البيض و الڤانيليا و ممكن رشة قرفة هنا كمان اختياري.
ننخل الدقيق و نحط عليه البيكينج بودر و نقلبهم على خليط البيض بالتبادل مع الزبادي و اللبن.
كده خليط الكيك جاهز.
نعمل جزء الشوكولاتة.
الكاكاو و القرفة و السكر ندوبهم فى لبن بسيط جداً و نحط عليهم نصف خليط الكيك.

نجيب قالب الكيك المدهون سمن.
نحط من تحت طبقة بالڤانيليا و فى النصف بالشوكولاتة و بعدين فانيليا تاني عشان تدينا الشكل ده.
فى الفرن على درجة حرارة ١٨٠ فى الرف الوسط لمدة ٤٥ دقيقة أو لحد مانختبرها نلاقيها استوت.
و بالهنا و الشفا.

Leave a Reply