Categories
في المطبخ

الفشار فى الميكروويف من غير زيت

النقنقة هوايتى المفضلة بس مش أى نقنقة يعنى 7 لوزات و 3 حبات سودانى مش بيكفونى و لا يشبعونى. دورت على حلول كتير و لقيت أسلم حل هو الفشار بينزل على المعدة ينفش و يفرش و يشبع و فى نفس الوقت بيسلينى بس يا خسارة لازم زيت أو زبدة! دورت تانى لقيت اختراع الأختراعات اللى محدش بقى يستغنى عنه، الميكروييف! هنعمل فيه الفشار بالمياه و من غير و لا نقطة زيت و خلى الفشار بالزبدة ده ليوم الخميس.

 

5 معالق فشار
5 معالق مياه
معلقة صغيرة ملح

 

نقلب كله على بعضه فى بوله غويطة تكون بتدخل الميكروييف.
نغطيه بكلينج فيلم و نخرمه من فوق أو غطاء الميكروييف العادى و ده أنا بفضله و هو مخرم جاهز.
بياخد تقريباً 5 دقايق فى ميكروييف 800 واط.
طبعا كل ميكروييف غير التانى بس ده سهل نراقبه هنسمع صوت الطقطقة و أول ما تقل أو تخلص نوقف علي طول عشان بيتحرق و يسود لو طولنا عليه.
انقليه فى طبق تانى عشان اللى هيتعمل فيه هيقى سخن أوى. افتكرى انى حذرتك!
ظبطى الملح بعد كده حسب ذوقك لو ده قليل.
الكمية دى تكفى شخصين.

Leave a Reply

Your email address will not be published. Required fields are marked *