Categories
في المطبخ

اساس الكاب كيك – كاب كيك فانيليا

الكب كيك من الحلويات المفضلة عند الأطفال. شكله حلو و مقاسة صغير و ممكن تزيينه بأشكال كتير.
كمان ممكن نأخده معانا الشغل و فى الخروج و أساسى فى أعياد الميلاد.

 

كوب سكر
نصف كوب زيت
3 بيض
فانيليا
نصف كوب لبن
2 كوب دقيق
رشة ملح
باكو بيكينج بودر

– نضرب السكر مع الزيت و البيض بالمضرب اليدوى عادى.
– نحط الفانيليا و لو حابين رشة قرفة بتدى نكهة حلوة و تضيع أى زفارة للبيض.
– فى بولة منفصلة ننخل الدقيق مع الملح و البيكنج بودر.
– نضيف الدقيق على خليط البيض و نقلب براحة لحد ما يختلط. نضيف اللبن آخر حاجة.
– لو عايزين نصه بالشيكولاتة: ندوب معلقتين كبار كاكاو فى معلقتين كبار لبن و ناخد نصف خليط الكيك نضيفه عليهم.
– يدخل الفرن 30 دقيقة او لحد ما تدخلى خلة اسنان فى النص و تطلع نضيفة.
– سيبيه يبرد فى الصينية قبل ما تطلعيه للتزيين.

One reply on “اساس الكاب كيك – كاب كيك فانيليا”

Comments are closed.