Categories
في المراية

ازاى تعملى شيفينج صح!

الشيفينج مش بعبع و لا حاجة، هو زيه زى أى وسيلة ازالة للشعر فيها مميزات و عيوب، اعرفى ازاى تعملى شيفينج صح عشان انتى تحكمى بنفسك و عن تجربتك الشخصية.

 

• مبدئيا هنختار نوع ماكينة حلاقة نسائى كويس. منصحكيش تجربى بالأنواع الرجالى لاختلاف نوع البشرة طبعاً. بتاعة البنات مصممة للبشرة الحساسة و هتلاقى فيها نسبة جل أكبر و دى حاجة مهمة جداً.

• كل مازاد عدد الشفرات هيبقى أحسن و أسرع و هتشيل الشعر من مرة واحدة من غير ماتفضلى رايحة جاية كتير و تتعورى فالآخر.

• حاولى ان يكون جسم الماكينة نفسه بيتحرك من منطقة الشفرة. بيسهل جدا حركة الشفرة و بيمنع انك تعورى نفسك.

• خليكى تحت المياه السخنة مش أقل من 10 دقايق عشان مسام الجلد تتفتح و تنضفى بشرتك و تشيلى الجلد الميت زى السويت بالظبط.

• اعملى سكرب للمكان اللى هتعمليه حتى لو البكينى و مش لازم حاجة مخصوص. اخلطى معلقتين سكر بمعلقة زيت زيتون و عصرة لمون و لو بشرتك حساسة بلاش الليمون.

• لو هتعملى البكينى لازم الشعر يكون قصير الأول، ممكن تقصيه طبعاً.

• بعد السكرب بللى المكان اللى هتعمليه وحطى كريم او زيت عشان يسهل حركة الشفرة. خدعة ممكن تعمليها انك تستخدمى بلسم الشعر، بيرطب الجلد جداً.

• ابدأى اعملى مرة فى اتجاه نمو الشعر و مرة العكس و شدى الجلد بأيديكى.

• بعد ماتخلصى اشطفى الجلد بمياه ساقعة عشان تقفلى المسام.

• نشفى و بعدين حطى مضاد حيوى زى فيوسيدين عشان ميطلعش حبوب.

• كمرطب زيت جوز الهند بيرطب و مضاد للألتهابات. و بلاش تستخدمى اى لوشن فيه روائح او لون بعد ازالة الشعر عشان بيساعد على التهاب الجلد.

• لمنطقة البيكينى لازم تستخدمى ملابس قطنية عشان تمنع نمو الشعر تحت الجلد.

• حسب طبيعة الجسم هيمنو الشعر تانى. ممكن تعمليه مرة فى الأسبوع او تحتاجى تكرريه مرتين فى الأسبوع.

• و طبعاً تركزى انك تستعملى شفرة حامية عشان تقص الشعراية و متكسرهاش.

1 reply on “ازاى تعملى شيفينج صح!”

Great job thank you for the precious advice 👏🏼👏🏼👏🏼

Leave a Reply

Your email address will not be published. Required fields are marked *