Categories
رمضانيات

ارز مكسيكي

 

٢ كوب ارز بسمتي
٢ كوب شوبة فراخ متصفية
١ طماطم كبيرة
١ بصلة كبيرة
١ معلقة صغيرة كمون
ملح و فلفل علي ذوقك
معلقة كبيرة سمن او زيت
١ او ٢ هالبينيو او فلفل اخضر حراق مفروم
٤ فصوص توم مفروم
١/٤ كوب بقدونس مفروم
عصير ٢ ليمونة

هنبدأ الاول نجهز المكونات.
في الخلاط هنضرب الطماطم و البصل لحد ما يبقي سائل بدون كتل.
قطعي الفلفل لشرائح رفيعة و شيلي منه البذر.
و هنفرم التوم ناعم.
دلوقتي نسخن الحلة اللي هنطبخ فيها و نضيف السمن.
لما السمن يسخن ننزل الرز يتحمر. عايزين الرز ياخد لون دهبي خفيف.
دلوقتي هنضيف الفلفل الحراق. و نقلب لحد ما الفلفل يبقي طري.
و بعدين نضيف التوم و نقلب لحد ما نشم ريحته. حوالي ٣٠ ثانية.
في حلة منفصلة نحط خليط الطماطم و البصل علي النار مع الشوربة لحد ما يغلي.
اول ما يغلي نضيفه للرز و نزود الملح و الفلفل و الكمون.
لما الرز يبدأ يتشرب نغطي عليه و نوطي النار.
هياخد حوالي ١٥ دقيقة عشان يستوي.
دلوقتي نفتح نقلبه، نطفي النار و نغطيه و نسيبه يهدي ١٠ دقايق.
خلصنا!
قبل التقديم نزود عليه عصير الليمون و البقدونس و نقلبهم كويس في الرز.
مناسب جنب أطباق الفراخ او السمك.