Categories
9 شهور

اتشجعى للرياضة فى البيت بعد الولادة

ازاى احافظ على شكلى و جسمى بعد مابقيت ماما، يعنى مش بس الحمل و الولادة القيصرى و الرضاعة بيتخنوا لأ و كمان أنا busy mother بطبخ و اغسل و اهتم بأبنى، نضافته و لعبه و مش هننسى الأب كمان و طلباته. اتشجعى للرياضة فى البيت بعد الولادة.

 

• مطلوب منك أول حاجة تحديد الهدف و قرار انى ابدأ اعمل أى رياضة من البيت عشان لو استنيت، المسؤليات مش بتخلص ولابتقل دى ساعات بتزيد.

• حددى وقت معين فى اليوم يكون مناسب ليكى و لبيتك. مثلاً و البيبى نايم الصبح، فى الحضانة أو المدرسة هى ساعة فى اليوم مش أكتر، خليها أساسية فى يومك.

• جهزى مكان و أدوات، لو عندك مشاية أو عجلة. هاتى دمبلز, exercise ball, exercise mat.

• اللبس كمان مهم. جزمة رياضية و تيشيرتات قطن، أكيد موجودة فى دولابك. ممكن بس تجيبى exercise bra و لو مافيش عادى بس مهم يكون برا مظبوط عليكى مش واسع.

• التمارين هتكون عبارة عن ايه؟ هنبتدى فى الأول بتمارين معروفة جداً walk at home المشى فى البيت موجودة على YouTube بتقدرى تمشى من أول 1 ميل لحد 5 ميل فى البيت من غير أجهزة خالص. و بعد كده ممكن تجربى Zumbaمثلاً. طبعاً الرقص ده اختراع و اكتشاف فى حد ذاته. بيحرك الجسم كله و بيحسن الموود جداً و حلو أوى لو عملناه مع الأطفال، نشغل الأغانى اللى بنحبها و نعمل اى حركات عشوائية و الكل هيستمتع.

• الصبر مهم مش بعد كام يوم ولا أسبوع ازهق. كل يوم ممكن أغير شكل التمرين عشان منملش، مثلاً يوم مشي و يوم رقص و يوم نط الحبل و تمارين بطن و الفرق هنحس بيه فى قياسات اللبس علطول مش لازم الميزان.

• طبعاً الأفضل مع تخفيف الأكل و تحويله لأختيارات صحية و شرب 2-3 لتر ماية فى اليوم.