Categories
في البيت

إزاي تعملي عيد ميلاد فى نص ساعة

عيد ميلاد ابني الخامس 🎉🎈🎁

المدرسة وافقت ان نعمله احتفال صغير مع صحابه.
أنا كنت عيانة، معايا بيبي على ايدي ٢٤ ساعة و الفرن فيه مشكلة. 😭

فكرت أجيب أي تورتة و خلاص بس حسيت موضوع الكب كيك أحلى. الولاد بيحبوه جداً كشكل و سهل فى الأكل و التوزيع.

سألت كذا مكان بيعمل كب كيك جاهز و كان من أقل الأسعار ١٧ جنية للواحدة.
طيب أنا عايزة على الأقل ٢٥ يعني تقريباً ٤٥٠ جنية 🙄

و طبعاً كلنا عارفين ان أولادنا الحلوين هياخدوا قطمتين و يرموه 👋

و محدش هيعملي فى يوم واحد و يوصلي ٩ الصبح.

كاب كيك عيد الميلاد

نزلت ساعتين بالظبط
جبت كب كيك جاهز من سبينيس (مجرباه قبل كده و حلو جداً و كارفور كمان بيعمله حلو و نفس السعر)

الطبق فيه ٦ ب١٧ جنية
٥ أطباق= ٣٠ واحدة كب كيك = ٨٥جنية
٣ كريم شانتيه بالشوكولاتة =٣٠ جنية
١ كريم حشو دريم بالشوكولاتة و البندق = ١٥ جنية
٢ m&m’s =٢٠جنية
٢ sprinkles = ١٥ جنية
علبة فاضية للكب كيك ٢٤= ٢٠ جنية
علبة كب كيك ٦= ٨ جنية
cartoon themed flags =١٢ جنية الباكت فيه ٦
جبت ٤ أشكال= ٤٨ جنية

30 Cupcakes Total = 241 LE

👏👏💸💰🎉🥧🎂

صحيت الصبح فطرت و شربت قهوتي، و الساعة ٩ ضربت الكريم شانتيه و كريمة الحشو على بعض. و فيه نوع بالفراوله لونه پينك عملته بردو.
رصيت الكب كيك فى العلبة و زينت و خلصت ٩ و نص و وصلت المدرسة ١٠ عشان ياكلوه فى البريك ١٠ و نص
و طبعاً الكب كيك ممكن تعملوه فى البيت و دي طريقته سهل جداً و هيقلل كمان فى السعر عن كده.

 

1 reply on “إزاي تعملي عيد ميلاد فى نص ساعة”

Leave a Reply