سيبي ايميلك هنا عشان نبعتلك كل جديد

احنا مين

اهلًا اهلًا

احنا غادة و مها.

بدأنا نكتب خبرات حياتنا من اكتر من سنتين و قررنا نشاركها مع العالم.
بدأنا نفكر في الستات اللي زينا. ستات بتحب بيتها و بتحب تبدع فيه. فكرنا في اللي اتجوزوا صغيرين في جيلنا. و اللي معاهم اطفال من عمر ولادنا. فكرنا في أصحابنا و جيرانا و قررنا نوسع دائرتنا.

بنحب نقرا و نجرب كتير. و نتعلم من تجاربنا. لاحظنا إننا عندنا مدرسة، نظام حياة ماشيين عليه. لاحظنا ان ستات كتير بتسألنا علي وصفات و خدع و نصائح. و بصراحة كده حسينا اننا قدرنا نكوّن خبرة حياتية كويسة عايزين بقية العالم يستفيد بيها.

بنحب البساطة لأقصي الحدود. و بنلجأ للطبيعة قبل اي حلول. معظم عنايتنا بالبشرة و الشعر و الجسم من منتجات طبيعية. و بنصنع معظم منتجات السوبرماركت اللي مليانة مواد حافظة في البيت. بنركز اوي مع التغذية و بنقرأ المكونات بتاعة اي حاجة بتقع تحت أيدينا. و في وسط كل ده عارفين نلاقي وقت لنفسنا و لأولادنا و لاجوازنا. التنظيم و تبسيط الأمور هو السر.

عايزين نقول ان مفيش ست مثالية. مفيش نظام مثالي.
بس فيه مجتمع من الستات ممكن يساند بعضه و نفيد بعض بخبراتنا.
عشان كده احنا بنبدأ بنفسنا. بنشارك اللي اتعلمناه مع العالم. و هدفنا اننا نقدر نساعد اكبر عدد من الستات.

شجعينا و تابعينا علي

Close Menu